«Այդ պահանջը նոր չէ,
բայց մենք խաղաղության պայմանագրում կետ ունենք, որ պետությունները ճանաչում են միմյանց
տարածքային ամբողջականությունը ու տարածքային պահանջներ չեն կարող ունենալ։ ՀՀ-ն նշել
է, որ ոչ մի տարածքային պահանջ չունի Ադրբեջանից, ու պայմանագրում համաձայնեցված դրույթ
կա, որ երկու կողմերը չեն կարող հղում կատարել ներքին օրենսդրությանը՝ պայմանագրային
կետերը չկատարելու նպատակով»: Այս մասին ասաց Ազգային ժողովի «Քաղաքացիական պայմանագիր»
խմբակցության պատգամավոր Լիլիթ Մինասյանը՝ անդրադառնալով Ալիևի հայտարարությանը, որ
եթե ՀՀ-ն չփոփոխի Սահմանադրությունը, ապա խաղաղության պայմանագիր հնարավոր չի լինի
ստորագրել։
Ինչ վերաբերում է ՌԴ
փոխարտգործնախարար Միխայիլ Գալուզինի հայտարարությանը, որ Հայաստանի սխալ քայլերը կհանգեցնեն
ՌԴ-ի հետ ընդհանուր պաշտպանական տարածքին վերադառնալու անհնարինությանը, Մինասյանը
ասաց. «Բազմիցս նշել ենք, որ ՌԴ-ն պետք է նշի ՀԱՊԿ-ի սահմանները, ու եթե ՀՀ-ի վրա հարձակումները
ՀԱՊԿ-ը չի ճանաչում ագրեսիա Հայաստանի նկատմամբ, ապա ի՞նչ պետք է մենք կորցնենք. չեղած
բանը կորցնել չես կարող»։
Մինասյանը նշեց, որ
ՌԴ-ի մոտեցումների հարցում պետք է փոփոխություն ակնկալել. «ՌԴ-ն պետք է ընկալի ՀՀ ինքնիշխանությունը,
որովհետև ՀՀ-ն սուվերեն պետություն է։ ՌԴ տարբեր պաշտոնյաների հայտարարությունները
միշտ համեմված են լինում ՀՀ ինքնիշխանության վերաբերյալ թյուր պատկերացումնրեով ու
այնպիսի ձևակերպումներով, որ ՀՀ-ն պարտավորություններ ունի ՌԴ-ի նկատմամբ իր որոշումները
կայացնելիս»։
Մանրամասն՝ տեսանյութում
Դավիթ Լևոնյան
